बागलुङ– कर्तव्य ज्यान मुद्दामा सर्वोच्च अदालतबाट १० वर्ष कैद सजाय तोकिएका फरार अभियुक्त १८ वर्षपछि पक्राउ परेका छन् । पक्राउ पर्नेमा बागलुङको निसीखोला गाउँपालिका-४ घर भई हाल कपिलबस्तुको बाँणगंगा नगरपालिका-७ बस्ने ५१ वर्षकी दुर्गा गौतम भन्ने दुर्गा आचार्य र उनकै सहोदर बहिनी ४६ वर्षीय पार्वती आचार्य रहेका छन् ।

जिल्ला प्रहरी कार्यालय बागलुङको टोलीले दुवैलाई वैशाख २२ गते कपिलबस्तुकै बाँणगंगा स्थित बनगाई भन्ने स्थानबाट पक्राउ गरेको  प्रहरीले जनाएको छ ।

बागलुङ प्रहरीका सूचना अधिकारी विजय यादवका अनुसार उनीहरूलाई जिल्ला अदालतमा पेश गरेकोमा अदालते कारागार चलान गरेको जनाएको छ । फैसला कार्यान्वयनका लागि अदालतले आदेश दिएपछि दुवै जनालाई प्रहरी हिरासतबाट कारागार पठाइएको हो ।