काठमाडौं–नेकपा माओवादी केन्द्र मधेस सरकारबाट बाहिरिएको छ ।

मधेस सरकारमा रहेका माओवादी नेताहरूले आइतबार मुख्यमन्त्री सरोजकुमार यादवलाई भेटेर राजीनामा बुझाएका हुन् ।

मन्त्रीहरू भरतकुमार साह र युवराज भट्टराईले मुख्यमन्त्री यादवलाई भेटेर राजीनामा दिएको माओवादी मधेस संसदीय दलको भनाइ छ ।

साहलाई वन तथा वातावरण मन्त्री थिए भने भट्टराई उद्योग तथा पर्यटन मन्त्री थिए । तर साहले मन्त्रालयमा चित्त बुझाएका थिएनन् । उनले आफूलाई न्याय नगरेको बताइरहेका थिए ।

मधेसबाट माओवादी बाहिरिएपछि केन्द्र गठबन्धनमा पनि तहमाथि हुने अवस्था छ ।नेकपा माओवादी केन्द्रले मधेश सरकारलाई दिएको समर्थन समेत फिर्ता लिएको छ ।

माओवादी केन्द्रबाट मन्त्री बनेका दुई मन्त्रीले राजीनामा दिए लगत्तै माओवादीले सरकाबाट समर्थन फिर्ता लिएको हो । माओवादी संसदीय दलका नेता भरत प्रसाद साहले माओवादी केन्द्रले मधेश सरकारलाई दिएको समर्थन फिर्तालिएकाे पत्र प्रदेश प्रमुख कार्यालयका सचिवलाई बुझाएका छन् ।