काठमाडौं–  कुमारी बैंक लिमिटेडको २३औँ वार्षिक साधारण सभा आइबार काठमाडौंकाे टुँडिखेलस्थित त्रिभुवन आर्मी अफिसर्स क्लबमा सम्पन्न भएको छ ।

सो सभाबाट सामान्य प्रस्तावको रूपमा पेश गरिएको आ.ब. २०७९/८० को सञ्चालक समितिको वार्षिक प्रतिवेदन, लेखा परीक्षण प्रतिवेदन सहित आ.ब. २०७९/८० आषाढ मसान्त सम्मको वासलात, नाफा–नोक्सान हिसाब लगायतका वित्तीय विवरण र आ.ब.२०८०/८१ को लागि बाह्य लेखा परीक्षक नियुक्ति तथा निजको पारिश्रमिक तोक्ने प्रस्ताव पारित गरिएको बैंकले जनाएको छ ।

उक्त सम्पन्न साधारण सभामा भएको सञ्चालक चुनावमा स्थापक शेयर धनी समूहबाट अमिर प्रताप जं.ब.राणा, कर्मचारी सञ्चय कोषका प्रतिनिधि विजय कुमार श्रेष्ठ, पशुपति मुरारका तथा सर्वसाधारण शेयर धनी समूहबाट महेश प्रसाद पोखरेल, राजाराम खड्का, र सर्वसाधारण शेयर धनी समूह महिला तर्फबाट सिम्रन अग्रवाल निर्वाचित भएका छन् ।