काठमाडौं– नेपाल प्रिमियर लिग (एनपीएल) अन्तर्गत बुधबार भएको दोस्रो खेलमा फितलो बलिङ गरेको लुम्बिनी लायन्समाथि काठमाडौं गुर्खाजले १८ रनको जित निकालेको छ ।

१०४ रनको लक्ष्य पछयाउँदै टस हारेर जवाफी ब्याटिङमा उत्रिएको लुम्बिनीले निर्धारित १० दशमलव २ ओरभमा सबै विकेट गुमाउँदै ८५ रन मात्रै जोड्यो ।

काठमाडौंका बलर दीपेश लुम्बिनीका लागि महँगा सावित भए । उनले लुम्बिनीका दुई ओपनर आशुतोष घिरिया र अर्जुनलाई दोहोरो रन बनाउन नदिइ पेभेलियन फर्काइदिए ।

दीपेशले ३ ओभरको दोस्रो बलमा आशुतोष र ३ ओभरको अन्तिम बलमा अर्जुन साउदलाई आउट गराएका हुन् । आशुतोषले १२ बल खर्चेर ४ रन जोडे भने अर्जुनले १० बल खर्चेर ३ रनमात्रै जोडे ।

लुम्बिनीका कप्तान रोहितको ब्याटिङ अर्डर पनि दीपेशकै बलको शिकार भयो । १५ बल खर्चेर ८ रन बनाएका रोहितको विकेट दीपेशले एलबीडब्ल्यू धरापमा पार्दै लिए ।

लुम्बिनीका टम मूर्स र विवेक यादवले पनि दोहोरो रन जोड्न सकेनन्‌ । साद बिन जफर, रामोन सिमन्ड्स र अभिनाश गौतमले रनको खातासमेत खोल्न सकेनन् ।