काठमाडौं– स्पेनिस ला लिगा फुटबलमा लिग लिडर बार्सिलोना पराजित भएको छ । गएराति भएको खेलमा रियल सोसिडाडले बार्सिलोनालाई १–० गोलले हराएको हो । जारी सिजनमा बार्सिलोनाको यो दोस्रो हार हो।
सोसिडाडका शेराल्डो बेकरले एक गोल गरेका थिए । खेलको ३३औँ मिनेटमा बेकरले गरेको गोल नै टोलीको जितका लागि निर्णायक बनेको थियो ।
सोसिडाडसँग पराजित भए पनि बार्सिलोना अंक तालिकामा शीर्षस्थानमै रहेको छ । १३ खेल खेलेको बार्सिलोनाको ३३ अंक छ । यस्तै १८ अंक जोडेको रियल सोसिडाड आठौँ स्थानमा छ ।
गएरातिका अन्य खेलमा एट्लेटिको मड्रिडले मायोर्का, लेग्नेसले सेभिया तथा जिरोनाले गेटाफेलाई हराएको थियो ।
प्रतिक्रिया