काठमाडौं– नेकपा माओवादी केन्द्रका नेता लेखनाथ दाहालले जनयुद्धलाई जवरजस्ती हिंसाको रुपमा परिभाषित गर्न खोजिएकाले विरोध गरिएको बताएका छन् ।

बुधबार संसद् भवन नयाँ बानेश्वरमा सञ्चारकर्मीसंग कुरा गर्दै दाहालले जनयुद्ध कुनै हिंसा नभएको तर यसलाई जवरजस्ती हिंसाको रुपमा परिभाषित गर्न खोजिएकाले विरोध र प्रतिवाद गरिएको बताए ।

उनले माओवादी जनयुद्धकै कारण मुलुकमा असाधारण परिवर्तन आएको भन्दै जनयुद्धलाई अस्वीकार गर्नु व्यवस्था र परिवर्तनलाई नै नमान्नुसरह भएको जिकिर गरे ।

कांग्रेस र एमाले मिलेर सरकार गठनका बेला भएको सहमतिपछि जनतामा भ्रम छर्न जनयुद्धलाई अवमूल्यन गर्न खोजिएको उनले बताएका छन् ।

त्यस्तै दाहालले मुलुकलाई एकतात्मक शासन प्रणालीमा लानका लागि विभिन्न परिवर्तनविरुद्ध आक्रमण हुन थालेको उल्लेख गरेका छन् ।