काठमाडौं । गायक सुगम पोखरेल र गायिका अञ्जु पन्तको स्वरमा नयाँ प्रेमिल गीत ‘इन्द्रेणी’ सार्वजनिक भएको छ। सो गीतको भिडियोमा माया सुवेदी र इन्द्र सापकोटा फिर्चड छन्।

म्यूजिक भिडियोमा माया र इन्द्रले अभिनय गरेका छन् । माया र इन्द्र दुवै डेनमार्कमा व्यवसाय गर्दै आएका थिए । सिनेमा क्षेत्रमा लाग्ने बाल्यकालदेखिको इच्छा साकार गर्ने यात्राको पहिलो कदमको रुपमा यो म्युजिक भिडियो सार्वजनिक गरेको उनको दाबी छ ।

सोही कारण यो गीत नयाँ च्यानलबाट सार्वजनिक गरिएको उनको भनाइ छ । इन्द्र भन्छन्, ‘यो क्षेत्रमा केही गर्ने भनेर लागि परेको हुँ । आगामी दिनबाट यही च्यानबाट धेरै सामग्री सार्वजनिक हुनेछन् ।’

सार्वजनिक गीतमा विष्णु भण्डारीको शब्द र सरोज पोखरेलको संगीत छ। भिडियोको निर्देशक शान थापा हुन् ।