न्युयोर्क । आईसिसी टी–२० विश्वकप अन्तर्गत समूह ‘ए’ को खेलमा क्यानडाले पाकिस्तानलाई एक सय सात रनको लक्ष्य दिएको छ ।

नासाउ काउन्टी अन्तर्राष्ट्रिय क्रिकेट स्टेडियममा टस हारेर ब्याटिङ गरेको क्यानडाले २० ओभरमा ७ विकेटको क्षतिमा १ सय ६ रन बनाएको हो ।

उसका लागि एरोन जोनसनको अर्धशतक प्रहार गरे । ४४ बलको सामना गरेका उनले चार चौका र चार छक्कासहित ५२ रन बनाए । त्यस्तै कलिम सानाले १४ बलमा १३ रन बनाए । कप्तान साद बिन जाफरले १० रन आउट भए ।

पाकिस्तानका ह्यारिस राउफ र मोहम्मद आमिरले दुईदुई विकेट लिए । जारी विश्वकपमा क्यानडाले २ खेलमा एक खेल जितेको छ भने एक खेलमा हार बेहोरेको छ । क्यानडाले आयरल्याण्डलाई पराजित गरेको हो भने अमेरिकासँग हार बेहोरेको छ ।

त्यस्तै पाकिस्तानले भने आफ्ना दुवै खेलमा हार बेहोरेको छ । पाकिस्तानले अमेरिका र भारतसँग हार बेहोरेको छ । पाकिस्तानले यस अघिका दुवै खेलमा हार बेहोरेको हुनाले यो खेल जित्नैपर्ने दबाबमा रहेको छ ।