काठमाडौं– नेपाली कांग्रेसकाे निरन्तर सदन अवराेध पछि प्रतिनिधि सभा बैठक स्थगित भएकाे छ । दोस्रो पटक पनि बैठकमा निरन्तर कांग्रेसले नाराबाजी गरेपछि बैठक स्थगित भएको हो ।

अर्को जेठ १ गते बेलुका ६ बजेसम्मका लागि स्थगित गरेको सभामुख देवराज घिमिरेले जानकारी दिए ।  उनले कार्यसूचीबाट सबै कार्यक्रम हटाएको भन्दै बैठक जेठ १ गते बस्ने जानकारी गराए ।

सहकारी ठगी प्रकरणमा गृहमन्त्री रवि लामिछाने मुछिएको भन्दै कांग्रेसले छानबिन समिति बनाउन माग गरिरहेको छ ।

हिउँदे अधिवेशनमा पनि कांग्रेसले लामिछानेमाथि समिति बनाएर छानबिन गर्नुपर्ने भन्दै निरन्तर प्रतिनिधि सभा बैठक अवरोध गरेको थियो ।

त्यसपछि बजेट अधिवेशनको तयारी हुन चाहिने समयभन्दा एक साताअगाडि नै हिउँदे अधिवेशन सरकारले अन्त्य गरेको थियो ।

बजेट अधिवेशनको सुरु दिनमै कांग्रेसले अवरोध गरेको भन्दै सत्ता पक्षका संसद् रिसाएका छन् ।

कांग्रेस गृहमन्त्री माथि छानबिन समिति नबनेसम्म ब्याग नहुने अडान लिइरहेको छ । तर सत्ता पक्ष व्यक्तिका नाममा  छानबिन समिति बन्न नसक्ने तर्क गरिरहेको छ ।