काठमाडौं – उपप्रधान तथा गृहमन्त्री रवि लामिछाने मुछिएका सहकारी ठगी प्रकरण छानबिन गर्न संसदीय समिति माग गर्दै प्रतिनिधि सभा बैठक सञ्‍चालनमा अवरोध पारेको प्रतिपक्षी नेपाली कांग्रेसले चार नारा लगाएको छ ।

कांग्रेसले गृहमन्त्रीमाथि छानबिन गर्न संसदीय छानबिन समिति माग गरिरहेको छ । तर, गृहमन्त्री र सत्ता गठबन्धन टिकाउन प्रधानमन्त्री लामिछानेले प्रहरीदेखि महान्यायाधिवक्ता कार्यालयसम्मलाई प्रभावित पारेको भन्दै आक्रोशित कांग्रेसले सदनमा अवरोध गरेको हो ।

पार्टी महामन्त्री गगन थापाले कुरा राखेलगत्तै सभामुख देवराज घिमिरेले बैठक अघि बढाउन खोजेका थिए । तर, कांग्रेसका तर्फबाट प्रतिनिधि सभा सदस्यहरूले ‘संसदीय छानबिन समिति गठन गर ! सहकारी पीडितलाई न्याय दे ! सहकारी ठगलाई कारबाही गर ! जबर्जस्ती बन्द गर’ नारा लगाए ।

प्रतिपक्षी सांसद्‌हरूले नाराबाजी गरेपछि सभामुख घिमिरेले संसद् बैठक १५ मिनेटका लागि स्थगित गरे ।