काठमाडौँ– १४औँ संस्करणको जीतपुरसिमरा गोल्डकप फुटबलमा मच्छिन्द्र क्लब सेमिफाइनलमा प्रवेश गरेको छ । गएराति अबेर सिमरा रंगशालामा भएको खेलमा विभागीय टोली त्रिभुवन आर्मी क्लबलाई १–० गोलले हराउँदै मच्छिन्द्र सेमिफाइनलमा पुगेको हो ।
मच्छिन्द्रका लागि सौरभ लिम्बूले खेलको ६९औँ मिनेटमा निर्णायक गोल गर्दै टोलीलाई अन्तिम चारमा पु¥याएका हुन् ।
खेलमा प्लेयर अफ दि म्याच बनेका मच्छिन्द्रका मनिष डाँगीले १० हजार रुपैयाँसहित ट्रफि प्राप्त गरे ।
प्रतियोगिता अन्तर्गत आज आयोजक नवजनजागृति युवा क्लब सिमरा र नेपाल पुलिस क्लबकाबीच प्रतिस्पर्धा हुनेछ ।
प्रतिक्रिया