जसपाको केन्द्रीय राजनीतिक समितिको बैठक बस्दै

२५ पुस २०८०, बुधबार

पढ्न लाग्ने समय : < 1 मिनेट

फाइल तस्वीर

काठमाडौँ– जनता समाजवादी पार्टी (जसपा) नेपालको केन्द्रीय राजनीतिक समितिको बैठक आज बस्दैछ ।

बैठक बिहान ११ बजे ललितपुरको ज्यापु प्रज्ञा भवनमा बस्ने केन्द्रीय प्रचारप्रसार तथा प्रकाशन विभाग प्रमुख पूर्ण बस्नेतले जानकारी दिए ।

भोलिसम्म चल्ने बैठकमा राजनीतिक एवं सङ्गठनात्मक प्रतिवेदन तथा पार्टीको आगामी महाधिवेशनका विषयमा छलफल हुनेछ ।

साथै पार्टीका नेताहरुको सक्रियतामा भएका कार्यहरुको प्रगति विवरण सम्बन्धी प्रतिवेदन प्रस्तुत हुने जनाएको छ ।

जसपाले पुस २७ गते केन्द्रीय समितिको बैठक बोलाएको छ ।

प्रकाशित मिति : २५ पुस २०८०, बुधबार ६ : ३७ बजे

प्रतिक्रिया