काठमाडौं – आय विवरण पेश गर्ने म्याद पुस मसान्तसम्म थप भएको छ । आन्तरिक राजस्व विभागले एक सूचना जारी गर्दै आय विवरण पेश गर्ने म्याद पुस मसान्तसम्म थप भएको जनाएको हो ।

विभागले एक करोड रुपैयाँ भन्दा बढीको कारोबार गर्ने करदाताहरूले आय विवरण पेश गर्ने म्याद थप गर्न माग गरेमा पुस मसान्तसम्म बुझाउन सकिने जनाएको छ ।

‘विभागको मिति २०८१/०८/२३ को निर्णयअनुसार वार्षिक कारोबार रु (एक) करोड भन्दा बढीको कारोबार गर्ने करदाताहरूले आ.व. २०८०/८१ को आय विवरण पेश गर्ने म्याद थप माग गरेमा आन्तरिक राजस्व विभागको इन्टिग्रेटेड ट्याक्स सिस्टमबाट अटोमेटिकल्ली २०८१ पुस मसान्तसम्म म्याद थप हुने व्यहोरा सम्बन्धित सबैको जानकारीको लागि यो सूचना प्रकाशित गरिएको छ’, विभागको सूचनामा उल्लेख छ .

विभागले निजी क्षेत्रका विभिन्न व्यवसायिक तथा व्यापारिक छाता संगठनले आय विवरण पेश गर्ने म्याद थपको लागि माग गरेकाले कानूनमा भएको व्यवस्था अनुसार सो निर्णय गरिएको जनाएको छ ।