काठमाडौं– अमेरिकी राष्ट्रपति पदमा रिपब्लिक उम्मेदवार डोनाल्ड ट्रम्प विजयी भए पछि यसले त्यहाँ रहेका अवैध आप्रवासीका मनमा त्रास उत्पन्न हुन थालेको छ । डोनाल्ड ट्रम्पले कागजात नपुगेका आप्रवासीलाई सामूहिक रुपमा डिपोर्ट गराउने बताएका छन् ।

अहिले अमेरिकामा १ करो १० लाख अवैध आप्रवासी रहेको जनाइएको छ । सन् २००५ देखि यो तथ्यांक यथावत छ ।

यसै मध्येकी एक बोलिभियाबाट त्यहाँ पुगेकी गाब्रियला पनि हुन् । तस्करहरूको कारमा पछाडि बस्दै उनी त्यहाँ पुगेकी थिइन् । पूर्वी तटीय क्षेत्रमा क्लिनरको रुपमा काम गर्ने उनी अहिले आत्तिएकी छिन् ।

यसैबिच संसदका पूर्व सभामुख तथा डेमोक्र्याट नेत्री नान्सी पेलोसीले अमेरिकी निर्वाचनमा जो बाइडेनले पहिले नै मैदान छाडेका भए यस धेरै विषयमा फरक पार्न सक्ने बताएकी छिन् ।

न्यूयोर्क टाइम्ससँगको अन्तरवार्ताको क्रममा उनले यदी बाइडेनले पहिले नै आफू न उठ्ने कुराको जानकारी गराएको भए अन्य कोही उम्मेदवारले धेरै पहिले नै तयारी गर्ने मौका पाउने उनको आशय थियो ।

त्यसो त बाइडेनले आफ्नो उम्मेदवारी त्याग गरे पछि हतारमा उप राष्ट्रपति कमला ह्यारिसको पक्षमा आवज उठाउनु नै गलत भएको उनको मत छ । उनको मतमा तल्लो तहमा दावी गर्ने कसैलाई उम्मेदवार बनाउन पहल गर्नु पर्ने थियो । 

अन्य डेमोक्र्याटले भने ह्यारिसको हारको कारण बाइडेन भएको आरोप लगाइरहेका छन् ।