काठमाडौं– पाकिस्तानविरुद्धको जारी पहिलो टेस्टमा इङल्याण्डका जो रुट र ह्यारी ब्रुकले कीर्तिमानी ब्याटिङ गरेका छन् । 

आफ्नो टेस्ट क्यारियरमा ३५औँ शतक बनाउदै जो रुटले १६८ रन बनाएर खेलिरहेका छन् ।  उनी इङ्ल्यान्डबाट सर्वाधिक टेस्ट शतक र टेस्ट रन बनाउने खेलाडी हुन् । 

त्यसैगरी उनी विश्व क्रिकेटमा धेरै शतक बनाउने सूचीमा समेत छैटौं स्थानमा उक्लिएका छन् । त्यस्तै इङल्याण्डका अर्का ब्याट्सम्यान ह्यारी ब्रुकले आक्रामक ब्याटिङ गर्दै आफ्नो छैटौं टेस्ट शतक बनाएका छन् ।  यो समाचार तयार गरुन्जेल ब्रुक १२८ रन बनाएर खेलिरहेका छन् । 

रुट र ब्रुकले अहिलेसम्म चौथो विकेटका लागि २२२ रनको साझेदारी गरेका छन् । यो समाचार तयार गरुन्जेल इङल्याण्डले यस टेस्टमा ३ विकेट गुमाएर ४७१ रन बनाएको छ र ८६ रनले पछाडि रहेको छ ।

यस अघि पाकिस्तानले आफ्नो पहिलो इनिङ्गमा ५५६ रन बनाएको थियो ।