काठमाडौं– केही दिनअघि हेलेन आँधीले वितण्डा मच्चाएको अमेरिकामा अहिले मिल्टन आँधीको असर देखिएको छ । क्याटगोरी ५ को रूपमा रहेको सो आँधी फ्लोरिडा तर्फ उन्मुख छ । 

धेरैले यो भन्दा पहिले कहिले पनि यस खालको आँधी नदेखेको बताएका छन् । २७० किलो मिटर प्रतिघण्टाको गतिको अघि बढी रहेको सो आँधीले धेरैको ज्यान लिन सक्ने चेतावनी दिइएको छ । 

फ्लोरिडाको पश्चिमी भागमा १० देखि १५ इन्चसम्मको उचाइको पानी तथा पूर्वी भागमा ८ देखि १इ इन्चसम्म बढ्ने अनुमान गरिएको छ । यो वर्षा र आँधीबाट बच्नका लागि अमेरिकाले १० देखि १५ वर्ष तयारी रहेको फ्लोरिडाका मेयर जेरी एल डेमिङ्गाले बताए । यस आँधीको शक्ति अबको ३६ घण्टामा कम हुँदै गए पनि यसले धरै स्थान ढाक्ने र यो फैलिँदो क्रममा रहने जनाइएको छ । 

फ्लोरिडाका मौसम विद्हरूले जनाए अनुसार फ्लोरिडाको टाम्पाको ४८० माइल दक्षिण पश्चिममा छ । अहिले यसको गति घटी रहेको छ । फ्लोरिडाको पुरै प्रायद्वीपमा यसले असर गर्ने छ । सबै जनालाई सतर्क हुन त्यहाँको सरकारले भनी सकेको छ । फ्लोरिडामा बसोबास गरी रहेको प्युरेटिकाका केही बासिन्दा अहिले आफ्नै स्थानमा फर्किएका छन् ।

यसै मिल्टन आँधी आउने थाहा भए पनि फ्लोरिडा सरकारले ४६०० जना कैदीलाई जेलबाट बाहिर पठाइ दिएको छ । अहिले धेरै मनोरञ्जन स्थलहरू बन्द गरिएका छन् । मंगलबार एयरलाइन्सले फ्लोरिडामा थप सेवा सञ्चालन गरे । फ्लोरिडा छाड्न चाहनेका लागि सहयोग गर्नका लागि त्यो सुविधा दिइएको थियो ।