काठमाडौं- सहकारी संस्था बचत रकम दुरुपयोग संसदीय छानबिन विशेष समितिले अब पीडितहरूसँग छलफल गर्ने भएको छ ।

सिंहदरबारमा मंगलबार बसेको समितिको बैठकले सहकारी क्षेत्रमा देखिएका समस्या र त्यसबाट भोग्नुपरेको समस्याबारे पीडितहरूसँग छलफल गर्ने निर्णय गरेएको समिति सभापति सूर्य थापाले जानकारी दिएका छन् ।

सहकारी पीडितका नाममा गठन गरिएका विभिन्न समितिका संयोजक र प्रतिनिधिमूलक पीडित व्यक्तिहरूसँग बुधबारको सिंहदरबारमा हुने बैठकमा छलफल गरिने उनले बताएका छन् ।

सहकारी क्षेत्रलाई व्यवस्थित गर्न र तथ्य प्रमाणसम्म पुग्न  पीडितहरूको सुझाव महत्वपूर्ण हुने थापाले बताए ।

त्यस्तै मंगलबार सहकारी विभागका पूर्व रजिष्टारदेखि बहालववाला रजिष्टारसँग पनि बैठकले सामूहिक छलफल गरेको थियो ।

छलफलका क्रममा सहकारी कर्जा सूचना केन्द्र नहुनु, बचत र ऋणको सीमा नराख्नुले पनि सहकारी समस्या भएको भनाइ आएको समिति संयोजक थापाले बताएका छन् ।

त्यस्तै ऐन-नियम अभावमा सहकारी क्षेत्रको नियमनमा राज्यबाटै बेवास्ता हुँदा बचतकर्ताहरूको रकम अपचलन भएको उनीहरूले बताएका छन् ।