विराटनगर– विराटनगरमा विद्यार्थीहरुको एक समूहले सरकारी गाडीमा आगजनी गरेको छ ।

महेन्द्र मोरङ बहुमुखी क्याम्पस अगाडि विद्यार्थीको समूहले को–१ झ ६४४ नम्बरको कोसी प्रदेश योजना आयोगको स्कारपियो गाडीमा आगजनी गरेको हो ।

मोरङको रंगेली नगरपालिकाका नगर रक्षकलाई कुटपिट गरेको आरोपमा शुक्रबार ६ जना विद्यार्थी पक्राउ परेका थिए । पक्राउ परेका विद्यार्थीको रिहाइको माग गर्दै आन्दोलनमा उत्रिएका विद्यार्थीहरुले गाडीमा आजगजनी गरेका हुन् ।

आगजनीबाट गाडी क्षतिग्रस्त भएको जिल्ला प्रहरी कार्यालय मोरङले जनाएको छ ।

पक्राउ परेको समूहले नगरपालिकाका कार्यवाहक प्रमुख एवं रंगेली–८ का वडाध्यक्ष ढकप्रसाद आचार्य र प्रमुख प्रशासकीय अधिकृत ओमकारप्रसाद न्यौपानेमाथि पनि दुर्व्यवहार गरेको प्रहरीको भनाइ छ ।

उनीहरूविरुद्ध अभद्र व्यवहार मुद्दा चलाइ पाँच दिन म्याद थप भएको छ । पक्राउ परेका सबै रिहा हुनुपर्ने विद्यार्थीको माग छ ।

गृहमन्त्री रवि लामिछाने विराटनगरमै रहेका बेला आन्दोलनरत विधार्थीको समुहले गाडीमा आगजनी गरेको हो ।