काठमाडौँ–साउदी सुपर कप फुटबलमा अल हिलाल फाइलनमा प्रवेश गरेको छ । गएराति भएको खेलमा अल नासरलाई २–१ गोलले हराउँदै अल हिलाल फाइनलमा पुगेको हो ।

अल हिलालका लागि सलिम अल दाब्सरी र माल्कोमले एक–एक गोल गरेका थिए । अल नासरका साडिओ मानेले एक गोल फर्काएका थिए ।

पहिलो हाफ गोलरहित बराबरीमा समाप्त हुँदा तीनै गोल दोस्रो हाफमा भएका हुन् ।

दोस्रो हाफको ६१औँ मिनेटमा दाब्सरीले गोल गर्दै अल हिलाललाई सुरुवाती अग्रता दिलाएका थिए । यस्तै ७२औँ  मिनेटमा माल्कोमले टोलीको अग्रतालाई दोब्बर बनाए ।

खेलको ८६औँ मिनेटमा विपक्षी खेलाडीलाई मुक्का प्रहार गरेपछि क्रिस्टियानो रोनाल्डोलाई रेफ्रीले रातो कार्ड दिए । त्यसपछि अल नासर दश खेलाडीमा सीमित भयो ।

अब फाइनलमा अल हिलाले अल इत्तिहादसँग खेल्नेछ ।