काठमाडौं । नेपाल प्रहरीका १६ वरिष्ठ उपरीक्षक (एसएसपी)को काज सरुवा गरिएको छ । गृह मन्त्रालयको निर्णय अनुसार एसएसपीको काज सरूवा गरिएको प्रहरी प्रधान कार्यलयले जनाएको छ ।

सरुवा सूचीअनुसार मानव बेचविखन अनुसन्धान ब्यूरोका प्रमुख फेरिएका छन् । ब्यूरो ओमबहादुर रानाको सरुवा भएको छ । भने यसअघि ब्यूरोको प्रमुखको जिम्मेवारीमा रहेका एसएसपी जिवनकुमार श्रेष्ठको काठमाडौँ उपत्यका ट्राफिक प्रहरी कार्यालय रामशाहपथ पठाइएको छ ।

त्यस्तै त्रिभुवन अन्तर्राष्ट्रिय विमानस्थल सुरक्षाको जिम्मा प्रहरी वरिष्ठ उपरीक्षक (एसएसपी) कृष्णहरि शर्मा पोखरेललाई दिइएको छ ।

पोखरा तालिम केन्द्रमा मुकुन्द मरासिनी, धनुषा तालिम केन्द्रमा गोपालचन्द्र भट्टराई, सुर्खेत तालिम केन्द्रमा राजेन्द्रप्रसाद भट्ट, दुधौली तालिम केन्द्रमा प्रवीण पोखरेल, र दीपायल तालिम केन्द्रमा कृष्णबहादुर पल्ली मगरको सरुवा गरिएको छ ।