काठमाडौं – नेपाली राष्ट्रिय क्रिकेट टिमका पूर्व कप्तान पारस खड्का फेरी एक पटक घरेलु मैदानमा क्रिकेट खेल्ने भएका छन् ।

नेपाल क्रिकेट संघ (क्यान) का सचिव खडकालाई खेलाएर नीजि क्षेत्रबाट निर्मित नेपालको पहिलो क्रिकेट रंगशाला एक्स्ट्राटेक ओभल क्रिकेट मैदानको उद्घाटन हुने भएको हो ।

रुपेन्देहीको तिलोत्तमामा फागुन १४ गते एक्स्ट्राटेक ओभर क्रिकेट मैदानको उद्घाटनमा आयोजित मैत्रीपूर्ण क्रिकेट खेलमा पारस मैदान फर्कने छन् ।

नेपालको पहिलो अन्तराष्ट्रिय खेल खेलेको १९९६ को टोली, रुपन्देही लिजेन्ड्स, सन् २०१४ को टी ट्वान्टी विश्वकप खेलेको टोली र रेस्ट अफ नेपाल गरि ४ टोलीलाई १० ओभरको म्याच खेलाएर मैदानको उद्घाटन गर्ने आयोजकको तयारी छ । पारसले सन् २०१४ को विश्वकप खेलेको नेपाली टोलीको नेतृत्व गर्नेछन् ।

अष्ट्रेलियामा रहदै आएका बिनोद कुँवरले नीजि लगानीमा रुपन्देहीमा अन्तराष्ट्रिय स्तरको क्रिकेट रंगशालाको बनेको हो । यो रंगशाला निर्माण घोषणाको एक वर्षमा सम्पन्न भएको छ ।