काठमाडौं– स्वास्थ्य सेवा विभागले १८४ स्वास्थ्यकर्मीको स्तरवृद्धि गरेको छ ।
पाचौँ तहका सहायक पदबाट छैटौँ तहको अधिकृतमा स्तरवृद्धि गरिएको हो । स्वास्थ्य सेवा विभागमा स्तर वृद्धिका लागि गत असार महिनासम्म दर्ता भएका र ऐनअनुसार योग्य ठहरिएका कर्मचारीको स्तरवृद्धि गरिएको विभागले जानकारी दिएको छ ।
स्तरवृद्धि हुनेमा अधिकांश हेल्थ असिस्टेन्ट रहेका छन् । सिनियर अहेब, फार्मेसी सहायक, ल्याब असिस्टेन्ट लगायत पदमा कर्मचारीको पनि स्तर वृद्धि भएको छ ।
स्तरवृद्धिको निर्णयमा त्रुटि पाइएमा त्रुटि सच्याउन, संशोधन गर्न र बदर समेत गर्न सकिने विभागले जानकारी दिएको छ ।
प्रतिक्रिया