काठमाडाैं- नेपाल प्रिमियर लिग (एनपीएल) को तेह्रौँ खेलमा अहिले सुदूरपश्चिम रोयल्स र चितवन राइनोज भिडिरहेका छन् ।

पहिले ब्याटिङमा गएको चितवनले सुरुमै झट्का ब्यहोरेको छ । उसका ओपनर सन्तोष कार्की ७ बलमा ९ रन बनाएको अवस्थामा आउट भएका छन् ।

उनलाई ब्रान्डोन म्याक्युलेनले ३.१ ओभरमा नरेश बुढाअयरमार्फत् क्याच आउट गराउँदै पवेलियनको बाटो देखाइदिएका हुन् ।

ताजा अवस्थामा ५ ओभर बलिङ गर्दै १ विकेटको क्षतिमा ३० रन बनाएको छ । क्रिजमा अहिले हसन इसाखिल र विपिन रावल रहेका छन् ।

यी दुई टिम त्रिभुवन विश्वबिधालय, किर्तिपुरस्थित खेल मैदानमा पहिलो पटक आमने-सामने भएका हुन् ।

चितवन राइनाेजको नेतृत्व कुशल मल्लले गरेका छन् । सुदुरपश्चिमबाट दीपेन्द्रसिंह ऐरीकाे नेतृत्व हुनेछ ।

चितवन राइनोज

कुशल मल्ल – मार्की, रिजन ढकाल, कमलसिंह ऐरी, शरद भेषावकर, बिपिन रावल, सन्तोष कार्की, दिपेश श्रेष्ठ, अमर सिंह रटैला, दिपक बोहरा, रंजीत कुमार, गौतम केसी, रवी बोपारा (इंग्ल्यान्ड), हसन इसाखिल (अफगानिस्तान), जान निकोल लोफ्टी इटन (नामिबिया), ल्यूक मार्टिन बेनकेन्स्टाईन (इंग्ल्यान्ड), सलाहुद्दिन खान (आइकोनिक)।

सुदूरपश्चिम रोयल्स

दीपेन्द्रसिंह ऐरी – मार्की, आरिफ शेख, अभिनास बोहरा, विनोद भण्डारी, इशान पाण्डे, अर्जुन कुमाल, खडकबहादुर बोहरा, नरेश बुढायर, भोजराज भट्ट, अमित श्रेष्ठ, नरेन साउद, ब्रान्डन मक्मलेन (स्कटल्यान्ड), सेफ अलि जेब (इंग्ल्यान्ड), स्कट कुगेलेइन (न्युजिल्यान्ड), रोहन मुस्तफा (युएई), बसन्त खत्री (आइकोनिक)।