काठमाडौं – चीनमा विगत ५ वर्षदेखि जेल जीवन बिताइरहेका मानव अधिकारवादी अधिवक्ता रिहा भएका छन् । ५ वर्षको जेल सजाय पूरा गरी चिनियाँ अधिवक्ता चिन योङपेई रिहा भएका हुन् ।

जेलबाट रिहा भएर उनी गुवाङ्शी स्वशासित प्रान्तस्थित आफ्नो गृहनगर नानिङ पुगेका छन् । सामाजिक सञ्जाल एक्समा पोस्ट गर्दै मानव अधिकारवादी संस्था फ्रन्ट लाइन डिफेन्डर्सले चिनलाई रिहा गरिएको पुष्टि गरेको छ ।

जायज र शान्तिपूर्ण रुपमा मानव अधिकारको पक्षमा वकालत गरेको बदलास्वरुप उनलाई जेल हालिएको उक्त संस्थाले टिप्पणी गरेको छ ।

सन् २०१९ मा उनलाई ‘राज्यशक्तिविरुद्ध विद्रोह उक्साएको’ अभियोगमा गिरफ्तार गरिएको थियो । पछि नानिङको माध्यमिक अदालतले उक्त अभियोगमा दोषी ठहर गर्दै उनलाई ५ वर्षको सजाय सुनाएको थियो ।