काठमाडौं- आइतबार नेपाल स्टक एक्सचेन्ज (नेप्से) आज २५ अंकले घट्दा १० अर्ब बढीको कारोबार भयो ।

यस्ता छन् आज सबैभन्दा बढी कमाउने कम्पनीहरु

आज ३ वटा कम्पनीको शेयर मूल्यमा भने सकारात्मक सर्किट लागेको छ । ३ वटा कम्पनीको शेयर प्रतिकित्ता १० प्रतिशतले बढेर सकारात्मक सर्किट लागेको हो ।

आज महुली लघुवित्त, श्रीजनशील लघुवित्त र मिड सोलु हाइड्रोपावरको शेयर मूल्य १० प्रतिशतले बढेको छ ।

त्यस्तै मनकामना इन्जिनियरिङ हाइड्रोपावर ९.९५ प्रतिशतले बढेको छ भने सपोर्ट माइक्रोफाइनान्स ८ प्रतिशतले बढेको छ ।

सबैभन्दा बढी थ्रि स्टिार हइड्रो घट्यो

आइतबार सबैभन्दा बढी थ्रि स्टार हाइड्रोपावर कम्पनीको शेयर मूल्य घटेको छ । थ्रि स्टार हाइड्रोको शेयर १० प्रतिशतले घटेर नकारात्मक सर्किट लागेको हो । थ्रि स्टार हाइड्रोको शेयर प्रतिकित्ता ११२ रुपैयाँ ५० पैसाले घटेर १ हजार १२ रुपैयाँ ५० पैसामा झरेको छ ।

त्यस्तै कुमनरी इक्वीटी फण्ड ९.०७ प्रतिशतले घटेर ९ रुपैयाँमा आएको छ भने गुडविल फाइनान्स ६.०५ प्रतिशतले घटेर १ हजार १५६ रुपैयाँमा आएको छ ।

साथै, डोटी पावर कम्पनी ४.५४ प्रतिशतले घटेर ६०६ रुपैयाँ १० पैसामा आएको छ भने मात्रिभुमि लघुवित्तको वित्तीय संस्थाको शेयर ४.४५ प्रतिशतले घटेर १ हजार ५०० रुपैयाँमा आएको छ ।

सिएचडिसि हाइड्रोको बढी रुपैयाँको कारोबार

आइतबार सिएचडिसि हाइड्रोपावरको सबैभन्दा बढी कारोबार भएको छ । सिएचडिसि हाइड्रोको ४२ करोड १९ लाख २५ हजार रुपैयाँ बराबरको कारोबार भएको छ ।

सिएचडिसि हाइड्रोको शेयर मूल्य ५.८२ प्रतिशतले बढेर १ हजार ९६३ रुपैयाँ पुगेको छ । आइतबार उक्त कम्पनीको २ लाख १६ हजार २५२ कित्ता शेयर किनबेच भएको छ ।

सिएचडिसि हाइड्रोको ९३ लाख १७ हजार ४५१ कित्ता शेयर नेप्सेमा सूचिकृत रहेको छ । जसमा ३० प्रतिशत शेयर सर्वसाधरणको छ भने ७० प्रतिशत शेयर प्रवर्धकको रहेको छ ।

हाइड्रोपावर लगानी कम्पनीको बढी कित्ता कारोबार

आइतबार सबैभन्दा बढी कित्ता कारोबार हाइड्रोपावर लगानी कम्पनीको प्रवर्धकको शेयर किनबेच भएको छ । उक्त कम्पनी प्रवर्धक शेयर २२ लाख २३ हजार ४७४ कित्ता शेयर किनबेच भयो ।

यति धेरै कित्ता शेयर कारोबार हुँदा समेत उक्त कम्पनीको प्रवर्धक शेयर मूल्य भने प्रतिकित्ता २.४८ प्रतिशतले घटेर १६० रुपैयाँ ९० पैसामा आएको छ ।

सबैभन्दा बढी पटक कारोबार हिमालयन रि–इन्स्योरेन्सको

आइतबार हिमालयन रि–इन्स्योरेन्सको शेयर सबैभन्दा बढी पटक खरिद विक्री भएको छ ।
आइतबार हिमालयन रि–इन्स्योरेन्सको शेयर २ हजार ६०१ पटक २ लाख ४१ हजार ८५९ कित्ता शेयर खरिद–बिक्री भएर सबैभन्दा बढी खरिद विक्री हुने रेकर्ड बनाएको हो ।

हिमालयन रि–इन्स्योरेन्सको शेयर धेरै पटक खरिद विक्री हुँदा पनि प्रतिशेयर मूल्य भने २.१३ प्रतिशतले घटेको छ । उक्त कम्पनीको शेयर आइतबार १८ रुपैयाँले घटेर ८२७ रुपैयाँमा पुगेको छ ।

हिमालयन रि–इन्स्योरेन्सको १० करोड ४० लाख कित्ता शेयर नेप्सेमा सूचीकृत रहेको छ । जसमा ३० प्रतिशत शेयर सर्वसाधरणको रहेको छ भने ७० प्रतिशत शेयर प्रवर्धकको रहेको छ ।