काठमाडौं– नेपाल आइडलबाट उदाएका गायक निशान भट्टराई र श्रीमती ऋचा न्यौपानेले सम्बन्धविच्छेद गरेका छन् । 

गत चैत ७ गते जिल्ला अदालत काभ्रेका न्यायाधीश विश्वनाथ भट्टराईको इजलासले सम्बन्धविच्छेदको फैसाला सुनाएको सूचना अधिकारी हिराकुमारी भण्डारीले जानकारी दिइन् । सूचना अधिकारी भण्डारीका अनुसार ऋचाले निशानबाट अंश नलिई सम्बन्धविच्छेद गरेकी हुन् । 

उनी भन्छिन्, ‘निवेदनमा अंशबारे केही उल्लेख थिएन । अदालतले पनि अंशका बारेमा केही आदेश दिएको छैन ।’ 

गत चैत ७ गते निशान र ऋचाले सम्बन्धविच्छेदका लागि संयुक्तरुपमा निवेदन दिएका थिए । 

निशान ‘नेपाल आइडल’को पहिलो सिजनबाट उदाएका गायक हुन् । उनले विसं २०७७ सालमा सोही अदालतमा प्रेमिकासँग कानुनी विवाह गरेका थिए । 

विगत केही समयदेखि सो दम्पतीको सम्बन्धमा दरार आएको चर्चा आइरहेको थियो ।