काठमाडौं – नेपालका लागि आधिकारिक बिक्रेता हंसराज हुलासचन्द एण्ड को. प्रालिले अब बजाजका मोटरसाइकल नागरिकताको आधारमा सरल फाइनान्समार्फत खरिद गर्न सकिने स्कीम सार्वजनिक गरेको छ ।

मोटरसाइकल खरिद गर्दा हुने झन्झटिलो फाइनान्स प्रकृया सरल बनाउन ग्राहकहरुको लागि यो स्कीम ल्याएको कम्पनीले जनाएको छ ।

यसअघि मोटरसाइकल खरिद गर्दा घर जग्गाको लालपुर्जा, पानी वा बिजुलीको बिल, आफ्नो आयस्रोतको सर्टिफिकेट लगायतका विभिन्न कागजात आवश्यक पर्थ्यो ।

यी झन्झट हटाएर बजाजले नागरिकताकै भरमा बजाजका मोटरसाइकल फाइनान्समार्फत किन्न सक्ने जनाएको हो ।

किस्ताबन्दीमा मोटरसाइकल किन्न चाहने ग्राहकले एक घण्टाभित्रै ऋण पास गरेर ९.९९% प्रतिशत ब्याजदर सरल फाइनान्समार्फत यो सुविधा पाउन सक्ने कम्पनीले जानकारी दिएको छ ।

कम्पनीका अनुसार’ यो स्कीम बजाजका देशभरका आधिकारिक शोरुमहरूमा उपलब्ध सबै मोडलमा लागु हुनेछ ।