काठमाडौं– इजरायलले लेबनानको राजधानी बेरुतको दक्षिण क्षेत्रका कयौँ भागमा हवाई आक्रमण गरेको छ ।
इजरायलले आइतबार राति बेरुतको दक्षिण क्षेत्रमा हवाई आक्रमण गरेको हो ।
इजरायली सेनाले हिज्बुल्लाहको हतियार भण्डारहरूलाई निशाना बनाइएको बताएका छन् ।
इजरायली अधिकारीहरूले हिज्बुल्लाहले प्रहार गरेका पाँच वटा रकेटले इजरायलको डिफेन्स सिस्टम भेदनमा सफलता हासिल गरेको घटनाको पनि जाँच भइरहेको जनाएको छ ।
आइतबार राति हिज्बुल्लाहका पाँच मिसाइल इजरायलको हाएफा सहरमा खसेका थिए । जसका कारण केही मानिसहरू घाइते भएका छन् ।
इजरायली सेनाले गाजाको एक अस्पतालमा पनि आक्रमण गरेको छ । उक्त अस्पतालबाट हमासले अपरेशन चलाइरहेको दाबी गरेको छ ।
प्रतिक्रिया