काठमाडौं- नेपाल अन्तर्राष्ट्रिय कृष्णभावनामृत संघ (इस्कोन नेपाल) ले आइतबार काठमाडौंमा श्री जगन्नाथ रथयात्रा महामहोत्सव गरेको छ।
यो ३९ औं महोत्सवको राष्ट्रपति रामचन्द्र पौडेलले कमलादीमा रथ तानेर उद्घाटन गरे ।
नेपाली संस्कृतिको जगेर्ना तथा समाजमा आध्यात्मिक वातावरण स्थापनाको निम्ति प्रेरित उक्त रथयात्रा महोत्सव कमलादी-घण्टाघर दरबारमार्ग पुतलीसडक प्रदर्शनी मार्ग भद्रकाली-एनएसी-न्यूरोड-वसन्तपुर हुँदै टुडिखेलमा समापन हुनेछ ।
नेपाली इतिहासमा परापूर्व कालदेखि नै राजाको प्रमुख आतिथ्यमा रथयात्रा हुने गर्दथ्यो।
यही संस्कृतिलाई निरन्तरता दिँदै अहिलेका राष्ट्रध्यक्ष राष्ट्रपति रामचन्द्र पौडेलको उपस्थितिमा यस पटक पनि रथयात्राको गरिएको छ ।
रथयात्रासँगै भगवान जगन्नाथलाई १ सय ८ परिकार चढाइएको छ । भारतको जगन्नाथ पुरीमा पनि आजकै दिन विशेष समारोहसहित रथयात्रा हुने गर्छ।
प्रतिक्रिया