दाङ – राप्ती गाउँपालिकाले पालिकामा सबैभन्दा बढी धान उत्पादन गर्ने तीन जना किसानलाई आज एक कार्यक्रमका बीच सम्मान तथा पुरस्कृत गरेको छ ।

पुरस्कृत हुनेमा वडा नं ४ नयाँगाउँका खगेन्द्रबहादुर मल्ल प्रथम, वडा नम्बर ७ भानपुरका राजकुमार चौधरी द्वितीय र वडा नं ६ बगरापुरका हरिचन्द्र चौधरी तृतीय भएका हुन् ।

पालिकाका कृषि विकास शाखा प्रमुख बरसाती गडरियाले प्रतियोगितामा प्रथम, द्वितीय र तृतीय हुनेलाई क्रमशः रु १२ हजार, रु १० हजार र रु आठ हजार नगदसहित एक एकवटा कृषि औजार फरुवा प्रदान गरी सम्मान गरिएको बताए ।

प्रक्रिया पु¥याएर आवेदन दिएका १६ जना कृषकबीच प्रतिस्पर्धा भएको थियो । पालिकाले कार्यविधि नै बनाएर प्रतियोगितामार्फत छनोट भएका किसानलाई सम्मान गरेको हो ।

कृषि पेसालाई मर्यादित बनाउन र कृषि पेसाप्रति आकर्षण बढाउन प्रतियोगिता सञ्चालन गरेको गाउँपालिका अध्यक्ष प्रकाश विष्टले बताए ।