काठमाडौँ– साउदी प्रो लिग फुटबलमा अल हिलालले आफ्नो अपराजित यात्रा जारी राखेको छ । गएराती सम्पन्न खेलमा अल खालिजलाई ४–१ गोल अन्तरले पराजित गर्दै अल हिलालले सानदार जित निकालेको हो ।
अल हिलालका लागि माल्कमले दुई तथा सालेह अलशेश्री र अब्दुल्लाह अल हामदानले एक–एक गोल गरेका थिए । अल खालिजका लागि मोहमद शेरिफले एक गोल गरेका थिए ।
यो जितसँगै अल हिलाल २७ खेलबाट ७७ अंकका साथ लिग तालिकाको शीर्ष स्थानमा छ । अल हिलालले २७ खेलमा २५ मा जित र दुईमा बराबरी गरेको छ ।
लिग अन्तर्गत अल नासर ६५ अंकका साथ दोस्रो स्थानमा छ । पराजित भएको अल खालिज ३४ अंकसहित नवौँ स्थानमा रहेको छ ।
प्रतिक्रिया