काठमाडौं- राष्ट्रियसभामा सिट बाँडफाँटको विषय टुङ्ग्याउन प्रधानमन्त्री निवास बालुवाटारमा सत्तारुढ गठबन्धनमा आबद्ध प्रमुख चार दलको बैठक बसिरहेको छ ।

बालुवाटारमा सत्ता गठबन्धनमा आबद्ध नेपाली कांग्रेस, नेकपा माओवादी केन्द्र, नेकपा एकीकृत समाजवादी र जनता समाजवादी पार्टी (जसपा) नेपालका शीर्ष नेताहरुको बैठक बसिरहेको हो ।

बैठकमा कांग्रेसले राष्ट्रियसभा निर्वाचनमा लोकतान्त्रिक समाजवादी पार्टी लोसपा र राष्ट्रिय जनमोर्चालाई सिट दिन तयार नभएको बुझिएको छ । त्यसअघि बालुवाटारमा नै बसेको गठबन्धनमा आबद्ध दलका शीर्ष नेताहरुको बैठक बिनानिष्कर्ष सकिएको थियो ।

पछिल्लो समय गठबन्धनमा रहेका साना दल राष्ट्रिय जनमोर्चा र लोकतान्त्रिक समाजवादी पार्टीले पनि १-१ सिट दाबी गरिरहेका छन् । बैठकमा आफ्नो दाबी प्रस्तुत गरेर राजमोका अध्यक्ष चित्रबहादुर केसी, जनमत पार्टीका अध्यक्ष सीके राउत र लोसपाका महन्थ ठाकुर बाहिरिएका छन् ।

नागरिक उन्मुक्ति पार्टी र जनमतलाई सिट दिन गठबन्धनका सबै दल तयार छन् । यद्यपि जनमोर्चा र लोसपालाई सिट दिन अन्य दल सकारात्मक देखिएपनि कांग्रेस र जसपा तयार देखिएका छैनन् ।

यो पनि…

राष्ट्रियसभा निर्वाचन : कसरी हुन्छ सिटको पँजनी ?

राष्ट्रियसभाको सिटमा मिलेन गठबन्धनको भागबन्डा

राष्ट्रियसभा निर्वाचनबारे राप्रपाले सत्ता गठबन्धनसँग छलफल गर्ने