काठमाडौं- नेपाल प्रिमियर लिग क्रिकेट प्रतियोगितामा जनकपुर बोल्ट्सले जिनतलाई निरन्तरता दिएको छ ।
बिहीबार त्रिवि क्रिकेट मैदानमा भएको पहिलो खेलमा जनकपुरले पोखरा एभेन्जर्समाथि ७ विकेटको सहज जित निकालेको छ ।
जितको लयलाई निरन्तरता दिएको जनकपुरले आफूलाई उपाधिको बलियो दाबेदारका रुपमा प्रस्तुत गरेको छ ।
जनकपुरले पहिलो खेलमा विराटनगर किङ्स र दोस्रो खेलमा कर्णाली याक्सलाई हराइसकेको छ ।
बिहीबार पोखरालाई हराएपछि जनकपुरको हौसला झनै बढेको छ । उसका खेलाडीले मैदानमै खुसियाली साटेका छन् । जितले जनकपुरका दर्शक पनि उत्साहित भएका छन् ।
तस्बिरहरू : चिरायु शाक्य/नेपाल फोटो पुस्तकालय
प्रतिक्रिया