काठमाडौं- खासगरि तराईबासी हिन्दूहरू निष्ठापूर्वक धुमधामसँग मनाउने छठ पर्वको तयारी काठमाडौंमा पनि गरिएको छ।

पवित्र पर्व छठ पूजाको तयारीका क्रममा काठमाडौंका तलाउ, नदी किनार र पोखरीको सजावट अन्तिम चरणमा पुगेको छ ।

कडा धार्मिक नियम, आस्था र विश्वाससाथ चार दिनसम्म मनाइने छठ पर्व मंगलबार सुरु भइसकेको छ ।

हिन्दू धार्मिक मान्यताका आधारमा यो पर्व वर्षमा दुई पटक कात्तिक र चैतमा निष्ठापूर्वक मनाइन्छ । कात्तिक शुक्ल चतुर्दशीका दिन सुरु हुने सूर्य उपाशनाको यो चाडलाई तराई र मिथिलाञ्चल क्षेत्रमा महापर्व भनिन्छ ।

बसाइँसराईका कारण छठलाई काठमाडौं उपत्यकामा पनि विशेष रुपमा मान्न थालिएको छ । काठमाडौंमा पाशुपत क्षेत्रको गौरीघाट, कमल पोखरी र कुपण्डोलस्थित बागमती किनारालाई धमाधम सजाइएको छ ।

राजधानीको कमलपोखरीलाई पनि बेहुलीझैँ सिंगारिएको छ। कमलपोखरीमा झिलिमिली बत्ती राखेर सजाइएकाले आकर्षक देखिएको छ ।

तस्बिर : नेपाल फोटो लाइब्रेरी