काठमाडौं – आइसीसी टी–२० विश्वकप अन्तर्गत आयरल्याण्डविरुद्ध जवाफी ब्याटिङ गरिरहेको भारतलाई पहिलो झट्का लागेको छ ।

भारतीय टोलीका ओपनर विराट कोहली ५ बलमा एक रन बनाउँदै आउट भएका हुन् । उनलाई आयरल्याण्ड मार्क एडेयरले बेन्जामिन व्हाइटको हातबाट क्याच आउट गराएका हुन् ।

न्यूयोर्कस्थित नस्साउ काउन्टी इन्टरनेसनल क्रिकेट स्टेडियममा टस हारेर पहिले ब्याटिङ गरेको आयरल्याण्ड १६ ओभरमा अल आउट हुँदै ९६ रन बनाएपछि भारतले ९७ रनको लक्ष्य पछ्याइरहेको छ ।

आयरल्याण्डका लागि ग्यारेथ डेलानीले २६ रन बनाए । १४ बलको सामना गरेका उनले दुई चौका र दुई छक्का प्रहार गरे । त्यस्तै कर्टिस क्याम्फरले १२, लोर्कन टकर १६ रन बनाए । ओपनर एन्ड्रयू बालबर्नीले ५ र पॉल स्टर्लिंगले २ रन बनाए ।

यता भारतका लागि हार्दिक पाण्ड्याले तीन विकेट लिए । चार ओभर बलिङ गरेका उनले २७ रन खर्चिए । त्यस्तै अर्शदीप सिंह र जस्प्रीत बुमराहले दुईदुई तथा अक्षर पटेल र मोहमद सिराजले एकएक विकेट लिए ।