काठमाडौं– व्यापारमा सधैँ एकनास हुँदैन । बजारलाई चलायमान बनाउनका लागि व्यापारीले सिजनअनुसारको सामानहरु थप्दै जान्छन् । मुख्यगरी बजारलाई चलायमान बनाउन नसके फेन्सी व्यवसाय चल्नै हम्मे पर्ने सो क्षेत्रका व्यापारीहरु बताउँछन् ।

अझ पछिल्लो समयमा बढेको प्रतिस्पर्धा र अर्थतन्त्रमा आएको सुस्तताका कारण व्यवसायीले व्यापार बढाउन नयाँ शैली अवलम्बन गर्ने परम्परा बढेको पाइन्छ ।

पछिल्लो समय फेन्सी व्यवसायमा आएको नयाँ शैली ‘सेल’ अर्थात स्टक क्लियरेन्स हो । हाल काठमाडौंका मुख्य बजार क्षेत्रमा स्टक क्लियरेन्स मेला नै लागेको छ ।

जाडो समय सकिन लागेसँगै यो सिजनका लागि राखिएका फेन्सी सामाग्री बिक्रीका पनि सेल अर्थात स्टक क्लियरेन्समा व्यवसायीले जोड दिएको पाइन्छ ।