काठमाडौं- सत्तारुढ गठबन्धनमा आबद्ध नेकपा (एकीकृत समाजवादी) निकट युवा संघ नेपालले भारतीय दूतावासले २० करोडसम्मका परियोजना बाँड्नसक्ने सम्झौता ‘राष्ट्रघाती’ भएको भन्दै त्यस्तै सम्झौता रद्द गर्नुपर्ने माग गरेका छन् ।

संघका संयोजक कृष्ण विकले विज्ञप्ति जारी गर्दै यस्तो सम्झौताले नेपाल र नेपाली जनताको सार्वभौमिकता र सार्वभौम अधिकारमाथि नै खेलबाडसमेत भएको बताएका छन् ।

बिहीबार नेपाल–भारत परराष्ट्रमन्त्रीस्तरीय‌ बैठकबाट भएको निर्णयमध्ये, नेपालको स्थानीय तहमा ‘उच्च प्रभावयूक्त सामुदायिक विकास योजना’ कार्यक्रमअन्तर्गत सोझै भारत सरकारले २० करोड रुपैयाँ दिन सक्नेगरी भएको सम्झौताले स्वाभिमानी, देशभक्त र स्वाधीन युवा एवम् समस्त नागरिकको ध्यानाकर्षण भएको संघले जारी गरेको विज्ञप्तिमा जनाइएको छ ।