काठमाडौं–संस्कृति पयर्यटन तथा नागरिक उड्डनमन्त्री बद्री पाण्डेले विपद र चाड सँगै आएका कारण हवाईजहाजमा चाप बढेको बताएका छन् ।

शुक्रबार त्रिभुवन अन्तराष्ट्र्रिय विमानस्थलमा नेपाल हवाई नियन्त्रक संघको २३औं वार्षिक साधरण सभालाई सम्बोधन गर्दै मन्त्री पाण्डेले यसो भनेका हुन् ।

‘विपत् र चाडहरू एकसाथ आएका कारण जहाजतर्फ चाप बढेको छ । यसलाई कसरी न्यायोचित बनाउने कुरामा निरन्तर काम गरिरहेका छौँ’, उनले भने ।

मन्त्री पाण्डेले यात्रुको सहजताका लागि मन्त्रालयले निरन्तर काम गरिरहेको पनि बताएका छन् ।

पर्यटन मन्त्रालयसम्बद्ध संस्कृति,पर्यटन र हवाई नीति परिमार्जनका क्रममा रहेको बताउँदै ऐन नियम बनाएर सुदृढीकरण गर्ने जानकारी दिए ।

मन्त्री पाण्डेले ट्रेड युनियन लगायतका संघ,संस्थाले सत्यतथ्य कुरा मात्रै पस्किनु पर्नेमा जोड दिए । नेपालको हवाई आकाश सुरक्षित रहेको सन्देश दिनसमेत आग्रह गरे ।

मन्त्री पाण्डेले शुक्रबार नै त्रिभुवन अन्तराष्ट्र्रिय विमानस्थलमा यातायातसम्बन्ध पदाधिकारीहरुसँग छलफल गरेका छन् ।

उनले त्रिभुवन अन्तराष्ट्र्रिय विमानस्थल टावरकोसमेत अवलोकन गरे ।