काठमाडौं – भारतले तीव्र गतिमा हासिल गरेको आर्थिक वृद्धिदरलाई कायमै राखेको अन्तर्राष्ट्रिय वित्तीय सेवा प्रदायक कम्पनी लजार्डले जनाएको छ । उदीयमान बजारबारे प्रतिवेदन सार्वजनिक गर्दै लजार्डले भारत चाँडै विश्वकै अग्रणी औद्योगिक उत्पादनको केन्द्र बन्न अग्रसर रहेको समेत जनाएको छ ।

जनसङ्ख्याको हिसाबमा मजबुत अवस्थामा रहेको भन्दै लजार्डले भारतलाई युवा जनसङ्ख्याको लाभ सन् २०६० सम्म नै मिल्ने जनाएको छ । लजार्डले भारतको ८० प्रतिशत जनसङ्ख्या ५० वर्षभन्दा कम रहेको र मध्यमवर्गको विस्तार पनि तीव्र गतिमा भइरहेको उल्लेख गरेको छ ।

प्रधानमन्त्री नरेन्द्र मोदीका अघिल्ला दुई कार्यकालमा भारतको वृहद अर्थतन्त्र स्थीर बनेको लजार्डले आफ्नो प्रतिवेदनमा लेखेको छ । भारतले आफ्नो डिजिटल अर्थतन्त्रमा पनि दशौँ लाख जनसङ्ख्यालाई समेट्न सफल भएको लजार्डको प्रतिवेदनमा जनाइएको छ ।

यद्यपि भारतले शिक्षा र कृषिका क्षेत्रमा अझै चुनौतीको सामना गर्नुपर्ने उक्त प्रतिवेदनमा औँल्याइएको छ ।