काठमाडौं– मंगलबार नेपाल स्टक एक्सचेञ्ज (नेप्से) १७. ८० अंकले बढेको छ । नेप्से ०.६४ प्रतिशतले बढेर २७७५.८५ विन्दुमा पुगेको छ ।

आज नेप्से बढ्दा ८ अर्ब ५२ करोड १२ लाख १९ हजार रुपैयाँ बराबरको १ करोड ८१ लाख ६० हजार ६३४ कित्ता शेयर कारोबार भएको छ ।१४२ वटा कम्पनीको शेयर मूल्य बढेको छ भने ९७ वटा कम्पनीको शेयर मूल्य घटेको छ । ५ वटा कम्पनीको शेयर मूल्य भने स्थिर हरेको छ ।

बजार खुल्ला रहँदासम्म ३०७ वटा कम्पनी कारोबारमा आउँदा ८८ हजार ७७५ पटक शेयर कारोबार भएको छ । यस्तै ६ वटा कम्पनीको शेयर मूल्यमा सकारात्मक सर्किट लेभलमा कारोबार भएको छ भने अपर साइना हाईड्रोपावरको शेयर मूल्यमा भने नकारत्मक सर्किट लागेको छ ।

१३ वटा समूह मध्ये ७ वटा समूह बढेको छ भने ६ वटा समूह घटेको छ । सबैभन्दा बढी ट्रेडिङ समूह ५ .९६ प्रतिशतले बढेर ५ हजार ३६२. ३४ विन्दुमा पुगेको छ । आज सबैभन्दा कम उत्पादन तथा प्रशोधन ०. ०६ प्रतिशतले बढेर ६ हजार ८०४. २६ विन्दुमा पुगेको छ ।

त्यस्तै, फाइनान्स १. ३९ प्रतिशतले, हाइड्रोपावर १. ८५ प्रतिशतले, जिवन बीमा १. ५२ प्रतिशते, म्युचुअल फण्ड ०. ३७ प्रतिशतले र अन्य समूह ०. २७ प्रतिशतले बढेको छ ।

आज सबैभन्दा बढी होटल तथा पर्यटन समूह १. ७१ प्रतिशतले घटेर ७ हजार १४०. ६४ विन्दुमा पुगेको छ भने विकास बैंक ०. ३७ प्रतिशतले, लगानी ०. ४१ प्रतिशतले, लघुवित्त ०. ३२ प्रतिशतले र निर्जीवन बीमा ०. ५२ प्रतिशतले घटेको छ ।