काठमाडौं– राष्ट्रिय स्वतन्त्र पार्टी (रास्वापा) को केन्द्रीय कमिटी बैठक बसिरहेको छ ।

पार्टी केन्द्रीय कार्यलय, चःमति, वनस्थलीमा जारी बैठकमा महामन्त्री डा. मुकुल ढकालले सभापति रवि लामिछानेलाई बुझाएको समीक्षा प्रतिवेदनमाथि छलफल भइरहेको सहमहमन्त्री कवीन्द्र बुर्लाकोटीले जानकारी दिए ।

महामन्त्री ढकालले पार्टीको गतिविधिबारे देशका ३८ जिल्ला घुमेर ३२ पृष्ठको समीक्षा प्रतिवेदन तयार पारेका थिए ।

उनले उक्त प्रतिवेदनमा पार्टीको जनाधार खस्कँदै गएको र यही अवस्था कायम रहे आगामी निर्वाचन २०८४ मा राष्ट्रिय पार्टी बन्न मुस्किल हुने निष्कर्ष उल्लेख गरेका छन् ।

सहमहमन्त्री बुर्लाकोटीले पार्टी अगाडि बढाइरहँदा गम्भीर रुपमा छलफल र समीक्षा हुनुपर्नेमा कुनै दुविधा नरहेको तर भनाइको शैली र तरिका फरक हुनुले आम जनतामा पर्ने असरको विषयमा गम्भीर हुनुपर्ने बताए ।

उनले खबरहबसँग भने, ‘पार्टी समीक्षा गरेर अगाडि बढ्ने कुरामा हाम्रो कुनै दुईमत छैन। तर महामन्त्री आफैँ महामन्त्री हो। उहाँको शैली र त्यो भनाइको तरिका चाहिँ हामीलाई नराम्रो लागेको छ।’

यस्तै, बैठकमा मुलुकको पछिल्लो विकसित राजनीतिक घटनाक्रमका बारेमा पनि छलफल भइरहेको बताइएको छ ।