काठमाडौं – प्रधानमन्त्री पुष्पकमल दाहाल ‘प्रचण्ड’ले प्रमुख विपक्षी दल नेकपा एमालेका अध्यक्ष केपी ओली र राष्ट्रिय स्वतन्त्र पार्टी (रास्वपा) का सभापति रवि लामिछानेसँग भेटवार्ता गरेका छन् ।
आइतबार साँझ प्रधानमन्त्री निवास बालुवाटारमा भएको भेटवार्तामा सत्य निरूपण तथा मेलमिलाप र बेपत्ताहरूको छानबिन आयोगसम्बन्धी (टीआरसी) विधेयकको विषयमा छलफल भएको बताइएको छ । बालुवाटार स्रोतका अनुसार टिआरसी विधेयक अगाडी बढाउन ओली र रवि लचिलो देखिएको छन् ।
यसअघि नेकपा एमालेले टीआरसी अघि बढाउँदा पीडित मैत्री बन्नुपर्ने भन्दै असहमति जनाएको थियो । पछिल्लो समय भने एमाले विधेयकलाई लिएर सकारात्मक देखिदै आएको छ । हाल उक्त विधेयक संसद्को कानुन समितिमा रहेको छ ।
यता सत्ता गठबन्धनमा खटपट देखिएसँगै प्रधानमन्त्रीको राजनीतिक सक्रिया बढ्नुलाई सत्ता समीकरणसँग जोडेर हेरिएको छ ।
प्रधानमन्त्रीले आइतबार मात्र एमाले अध्यक्ष केपी शर्मा ओलीसँग दुई पटक भेटवार्ता गरेका छन् । आइतबार बिहान एक्ला एक्लै भेटवार्ता गरेका ओली साँझ पार्टी महासचिव शंकर पोखरेलका साथमा बालुवाटार पुगेका थिए ।
याे पनि…
महासचिव पोखरेलसहित बालुवाटार पुगे एमाले अध्यक्ष ओली
प्रतिक्रिया