काठमाडौं– नेपाल हङकङ सिक्सेसको दोस्रो खेलमा अस्ट्रेलियासँग खेल्दैछ । एक खेल अगाडि क्वाटर फाइनल प्रवेश गरिसकेको नेपालले पूल ‘बी’ को अन्तिम खेल खेल्न लागेको हो ।

अस्ट्रेलियाले टस जितेर नेपाललाई ब्याटिङको निम्तो दिएको छ । पहिलो खेलमा इङल्याण्डलाई पराजित गरेको नेपाल उच्च मनोबलका साथ मैदानमा छ ।

पूल बी को दोस्रो खेलमा अस्ट्रेलियाले इङल्याण्डलाई पराजित गरेपछि नेपालको क्वाटरफाइनल निश्चित भएको हो । नेपालले क्वाटरफाइनलमा पूल ‘डी’ को श्रीलंका वा बंगलादेशसँग खेल्ने छ ।

पूल बी बाट अस्ट्रेलिया पनि क्वाटरफाइनलमा पुगेको छ भने इङल्याण्ड दुवै खेल हारेर बाहिरिएको छ । पूल बी को अन्तिम खेल नेपाल र अस्ट्रेलियाबीच हुन लागेको हो। सन्दीप जोराको कप्तानीमा नेपाल हङकङ गएको हो ।