एजेन्सी– पाकिस्तान र इरानबाट गत एक महिनामा एक लाख १५ हजार अफगानी शरणार्थी स्वदेश फर्केका छन् ।
अफगानी नागरिक पाकिस्तान र इरानबाट स्वदेश फर्केको स्थानीय सञ्चार माध्यमले जनाएका छन् ।
मन्त्रालयका प्रवक्ता अब्दुल मुतालिब हक्कानीका अनुसार स्वदेश फर्केका मानिसहरूलाई नगद र खाना वितरण गरिएको थियो ।
रिपोर्टका अनुसार २.५ मिलियन भन्दा बढी अफगानी शरणार्थीहरू पाकिस्तानमा बसिरहेका छन् भने लगभग समान सङ्ख्या इरानमा पनि रहेका छन् ।
अफगान कार्यवाहक सरकारले विदेशमा रहेका अफगान आप्रवासीहरूलाई घर फर्कन र आफ्नो युद्धग्रस्त देशको पुनर्निर्माणमा योगदान गर्न आग्रह गर्दै आएको छ ।
प्रतिक्रिया