काठमाडौं– युरोपियन च्याम्पियन्स लिग दोस्रो सेमीफाइनलको पहिलो लेगमा बोरुसिया डर्टमुण्डले जित निकालेको छ ।
गएराति भएको खेलमा पेरिस सेन्ट जर्मन (पीएसजी) लाई १–० गोलले हराउँदै डर्टमुण्डले जित निकालेको हो ।
डर्टमुण्डका लागि निकाेलस फुलक्रुगले एक गोल गरेका थिए । उनले खेलको ३६औँ मिनेटमा गरेको गोल नै जितका लागि निर्णायक बनेको थियो ।
यी दुई टोली बीचको दोस्रो लेग आगामी साता पीएसजीको मैदानमा हुनेछ । यसको विजेताले उपाधिका लागि रियल मड्रिड र बायर्न म्युनिखबीचको सेमिफाइनल विजेतासँग खेल्ने छ ।
रियल मड्रिड र बायर्न म्युनिखले मंगलबार राति भएको सेमिफाइनल पहिलो लेगमा २–२ गोलकाे बराबरी खेलेका थिए ।
प्रतिक्रिया