काठमाडौं– चलचित्र ‘मीरा स्याडो अफ अ रेन्बो’को ट्रेलर मंगलबार सार्वजनिक गरिएको छ । ट्रेलरमा अटिजम भएकी छोरी र फरक यौन चाहना भएकी आमाको कथा देखाइएको छ। 

चलचित्रकी प्रमुख अभिनेत्री तथा निर्देशक अनिता पण्डितका अनुसार चलचित्र सन्तानमा देखिएको अटिजम र आफ्नो व्यक्तिगत सम्बन्धलाई समाजमा देखाउन खोज्ने एक आमाको सङ्घर्षपूर्ण कथामा आधारित छ । 

अनेकौं आकांक्षाबीच रुमलिएकी महिलाको जीवनको कथा, अटिजम र यौन शिक्षाको अभिमुखीकरणमा यो चलचित्रले  भूमिका खेल्ने निर्माण पक्षको विश्वास छ । 

लक्षित वर्गका दर्शकहरूको लागि विशेष प्रिमियर शोको आयोजना गर्ने तयारीमा रहेको निर्माण पक्षले बताएको छ ।  चलचित्र प्रदर्शनको मिति भने तोकिएको छैन । 

चलचित्रमा अनितासहित सुरविना कार्की, निशान चौहान, कैलाश रावल, रोशनी कार्की र बाल कलाकार आश्वि घिमिरेको प्रमुख अभिनय रहेको छ। आश्वि फिल्मसले यो चलचित्र निर्माण गरेको हो।

हेर्नुहोस् भिडियो-