काठमाडौं- भारतको राजधानी नयाँ दिल्लीमा सुरु भएको सेनाप्रमुखको सम्मेलनमा नेपाली सेनाका तीन जना अवकाशप्राप्त प्रधानसेनापति सहभागी हुने भएका छन् ।

सम्मेलनमा सहभागी हुन नेपाली सेनाका अवकाशप्राप्त प्रधानसेनापतिहरु प्यारजङ्ग थापा र गौरवशमशेर जबरा शनिबार नै नयाँ दिल्ली प्रस्थान गरेका छन् । अर्का अवकाशप्राप्त प्रधानसेनापति राजेन्द्र क्षेत्री आइतबार नयाँ दिल्ली जाने कार्यक्रम छ ।

शुक्रबारदेखि सुरु भएको सम्मेलनमा नेपाली सेनाका तीन जना अवकाशप्राप्त प्रधानसेनापति सहभागी हुनेबारे भारतीय सेनाले आफ्नो सामाजिक सञ्जाल एक्समार्फत् जानकारी दिएको छ ।

नेपाली सेनाका प्रधानसेनापति भारतीय सेनाको पनि मानार्थ सेनाध्यक्ष हुने प्रावधानका कारण उनीहरुलाई सम्मेलनमा डाकिएको बुझिएको छ ।