गाजा– इजरायल–हमास युद्धका कारण गाजामा मारिनेको संख्या झण्डै २२ हजार पुगेको छ । गाजाको स्वास्थ्य मन्त्रालयले गाजामा इजरायलको युद्धमा कुल मृत्यु हुनेको संख्या २१ हजार ९७८ पुगेको जनाएको छ । यस्तै घाइते हुनेको संख्या ५७ हजार ६९७ रहेको छ ।

पछिल्लो २४ घण्टामा मात्रै इजरायली आक्रमणमा कम्तीमा १५६ जनाको मृत्यु भएको छ भने २४६ जना घाइते भएका छन् ।

गाजाको स्वास्थ्य मन्त्रालयका प्रवक्ता अशरफ अल कुद्राले पत्रकार सम्मेलनमा इजरायली हमलामा अहिलेसम्म ३ सय २६ स्वास्थ्यकर्मी मारिएको जानकारी दिए ।

गत अक्टोबर ७ मा युद्ध सुरु भए यता इजरायली सेनाले गाजामा १४० एम्बुलेन्स र ३० अस्पतालहरू नष्ट गरेका छन् भने  करिब ९९ स्वास्थ्य कर्मीहरूलाई अमानवीय अवस्थामा गिरफ्तार गरेको बताइएको छ ।