काठमाडौं – लेबनान र इजरायलबीच भएको यद्धविराम सम्झौताको भारतले स्वागत गरेको छ । भारतीय विदेश मन्त्रालयका प्रवक्ता रणधीर जयसवालले युद्धविराम सम्झौताको भारतले स्वागत गरेको जनाएका हुन् ।

भारतीय विदेश मन्त्रालयले आफ्नो मुलुक सो क्षेत्रमा शान्ति र स्थीरताको पक्षमा रहेको स्पष्ट पारेको छ । मन्त्रालयले कुनै पनि द्वन्द्वको समाधान कूटनीति र वार्ताबाट हुनुपर्ने जनाएको छ ।

यसअघि लेबनान र इजरायलबीच युद्धविराम गर्न सहमत भएका थिए । यस युद्धविराम सम्झौताले इजरायलले लेबनानको शिया लडाकु समूह हेजबोल्लाहविरुद्ध जारी राखेको सैन्य कारवाही स्थगित हुनेछ । त्यसैगरी, सम्झौतसँगै हेजबोल्लाहले पनि इजरायलमाथि रकेट आक्रमणलाई स्थगित गर्नेछ ।

यसअघि भारतीय विदेश मन्त्रालयले पश्चिम एशियामा द्वन्द्व बढ्दै गएको र त्यहाँ रहेका भारतीय नागरिकसँग नियमित सम्पर्कमा रहेको उल्लेख गरेको थियो । मन्त्रालयले आवश्यक यात्रा निर्देशन समेत जारी गरेको छ ।