काठमाडौं-  स्थानीय तहको उपनिर्वाचन सकिएको छ । मतदान सकिएसँगै मतपेटिकाहरू मतगणनास्थलतिर ओसारिएको छ।

स्थानीय तहको उपनिर्वाचनको मतगणना सकिएसँगै मतदान केन्द्रबाट मतपेटिका संकलन गरेर लैजान थालिएको हो । आइतबार मतदान भएकामध्ये अधिकांश ठाउँमा आजबाटै गणना थालिँदै छ ।

काठमाडौंको कीर्तिपुर नगरपालिकाको मेयर तथा वडा नम्बर ४ र वडा नम्बर १ को अध्यक्षका लागि मतदान भइसकेको छ।

कीर्तिपुरको उपनिर्वाचनलाई दलहरूले प्रतिष्ठाको विषय बनाएका छन् । यद्यपि यहाँ वैकल्पिक शक्ति भनिएको राष्ट्रिय स्वतन्त्र पार्टीको उम्मेदवारी परेको छैन ।

त्यस्तै काठमाडौंको वडा नम्बर १६ मा पनि वडा अध्यक्ष पदका लागि मतदान भइसकेको छ ।

आइतबार देशका ४१ जनप्रतिनिधिका लागि मतदान भएको छ। एक नगर प्रमुख, एक उपप्रमुख, दुई गाउँपालिका अध्यक्ष, चार उपाध्यक्ष र ३३ वडा अध्यक्ष र ४१ पदका लागि उपनिर्वाचन भइसकेको छ ।

तस्बिर : नेपाल फोटो लाइब्रेरी